Eton Mess met bessies

Eton Mess is ’n tradisionele Engelse nagereg wat ​​uit ’n mengsel van aarbeie, gebreekte meringue en geklopte room bestaan.

4 porsies

Bestanddele

4 eierwitte
120 g strooisuiker
knypie sout
1 vlaresep (klik hier vir die resep)
125 ml (½ k) room
200 g bessies: aarbeie, bloubessies, frambose

Metode

Verhit oond na 130 °C.

1. Klits eierwitte tot styf. Skep suiker eetlepel vir eetlepel by eierwitte terwyl jy klits.
2. Hou aan klits tot suiker klaar is en roer sout by.
3. Skep meringuemengsel op bakplaat wat met bakpapier uitgevoer is en versprei eweredig.
4. Bak vir 30–40 minute of tot meringue van papier loskom.
5. Haal uit oond en laat afkoel.
6. Klits room tot styf en hou eenkant.
7. Breek meringue in stukke en pak op bodem van glasies. Skep twee eetlepels vla en room bo-op meringue, gevolg deur bessies. Hou so aan tot glasie vol is.