Vrouekeur het nie skielik Engels geword en praat nou slegs gebroke Engels op ons Facebook-blad nie – dit net ’n stelling op jou eie Facebook-blad wat jy gelukkig kan regstel! Ons wys jou hoe
Lyk al Vrouekeur se Facebook-plasings deesdae soos hierdie voorbeelde?
Facebook dink hulle “help” jou deesdae vreeslik baie en vertaal van die plasings op jou tuisblad self na Engels. En om alles te kroon is die Engels is glad nie te waffers nie.
Kyk hier hoe jy dit stap vir stap kan regstel:
Stap 1
Klik op die driehoekie aan die regterkant van jou Facebook-blad. Kies dan die “setings”-opsie.
Stap 2
Klik dan op die “Language”-opsie.
Stap 3
Daar sal dan ‘n boksie met “language settings” opkom. Hier is waar jy dit gaan verander.
- By opsie 1: “What language do you want stories to be translated into” – klik op “edit” en verander dit na “English” indien dit nie klaar Engels sê nie en klik “save changes”.
- By opsie 2: “Which languages do you understand?” – klik op “edit” en tik “English” en “Afrikaans” in en klik “save changes”.
- By opsie 3: “Which languages do you not want automatically translated?” – klik op “edit” en tik “Afrikaans” in en klik “save changes”.
Stap 4
Keer terug na Vrouekeur se Facebook-blad en jy sal sien dat alles weer Afrikaans is!
